राष्ट्रिय लिगको उद्घाटन खेलमा काँक्रेबिहार र फ्रेन्ड्स भिड्ने

काठमाडौं। राष्ट्रिय लिगको उद्घाटन खेलमा काँक्रेबिहार युथ क्लब र फ्रेन्ड्स क्लब भिड्ने भएका छन्।

अखिल नेपाल फुटबल संघ (एन्फा) ले ५ दिन पर प्रतियोगिता सारेर लिगको खेलतालिका सार्वजनिक गरेको हो। ‘ए’ डिभिजनका शीर्ष १३ क्लब र एन्फा प्रेसिडेन्ट कपका उत्कृष्ट ४ क्लब गरी कुल १७ टोलीको सहभागितामा लिग आयोजना हुन लागेको हो।

लिगमा कुल १३६ खेल खेलाइने छन्। खेलहरू सातदोबाटोस्थित एन्फा कम्प्लेक्स, दशरथ रंगशाला र च्यासल मैदान गरी तीन भेन्युमा सञ्चालन हुनेछन्। प्रतियोगिता पुस ३० गतेदेखि सुरु हुने एन्फाले जनाएको छ।

लिगमा एपीएफ एफसी, मच्छिन्द्र एफसी, मनाङ मस्र्याङ्दी क्लब, नेपाल पुलिस क्लब, संकटा एफसी, चर्च बोइज युनाइटेड, फ्रेन्ड्स क्लब, जावलाखेल युथ क्लब, न्यूरोड टिम, श्री भगवती क्लब, त्रिभुवन आर्मी एफसी, चित्लाङ एफसी, काँक्रेविहार, नव जनजागृति क्लब, सतदोबाटो युथ क्लब, ललिगुराँस एसोसिएसन र प्लानिङ बोइज युनाइटेड सहभागी छन्।