राज र सरस्वती तिलोत्तमा रनको विजेता

हिमालयन मनोज

बुटवल । राज खत्री र सरस्वती कुँवरले रुपन्देहीमा भएको तिलोत्तमा रनको उपाधि जितेका छन् ।

शनिबार भएको प्रतियोगितामा राज र सरस्वतीले ४० वर्ष मुनिको विधामा पहिलो स्थान हात पारेका हुन् ।

पुरुष स्पर्धामा अजय पाण्डेय दोस्रो र मनोज केवट तेस्रो भए । महिलामा कुसुम ठगुन्ना दोस्रो र ईश्वरी बिक तेस्रो भए ।

त्यस्तै ४१ देखि ६० वर्ष उमेर समूहमा पुरुषततर्फ केशर जंग आले पहिलो, बल बहादुर राई दोस्रो र राजकुमार छेत्री तेस्रो भए । महिलामा निमी बुढामगर पहिलो, गायत्री सारु मगर दोस्रो र सिमा मानन्धर तेस्रो भए ।

यस्तै ६१ वर्षमाथिको स्पर्धामा फेकबहादुर मगर पहिलो, टिका बहादुर मगर दोस्रो र खुम बहादुर रानाले तेस्रो स्थान हात पारे ।

तिनै विधामा पहिलो हुनेले १३ हजार, दोस्रो हुनेले ८ हजार र तेस्रो हुनेले ५ हजार रुपैयाँ हात पारेका छन् ।

विजेता खेलाडीलाई तिलोत्तमा नगरपालिकाको मेयर रामकृष्ण खाँडले पुरस्कृत गरेका थिए ।