प्रीतिले भारतविरुद्ध नखेल्ने

काठमाडौं। मिडफिल्डर प्रीति राईले भारतविरुद्धको अन्तिम खेल नखेल्ने भएकी छन्।

नेपाल र भारतबीचको खेल बुधबार) हुने भएको छ। यसअघि यो खेल बिहबारमा हुने तय भएको थियो। फिफा विन्डोमा दुई खेलले मात्रै अन्तर्राष्ट्रिय मान्यता प्राप्त गर्नेछ। नेपाल पहिलो खेलमा इरानसँग ३–० ले पराजित भएको थियो। दोस्रो खेलमा भने भारतलाई २–१ ले पाखा लगाएको थियो। उक्त जितमा सावित्रा भण्डारी साम्बाले नै दुवै गोल गरेकी हुन्।

अखिल नेपाल फुटबल संघ (एन्फा)का अनुसार बुधबार हुने खेल अनौपचारिक रहने छ। त्यसैले साम्बा भारतबाटै अस्ट्रेलिया फर्किएकी छन्। मुख्य प्रशिक्षक नवीन न्यौपानेका अनुसार प्रीति भने स्वदेश फर्किएकी छन्।

उनी यतैबाट जोर्डन प्रस्थान गर्नेछिन्। उनी अल–इत्तिहाद क्लबमा अनुबन्ध छिन्।