स्पेनको सहज जित, तुर्कीको जितमा गुलेरको २ गोल

काठमाडौं। विश्वकप छनोटको युरोपेली समूह ‘ई’ मा शनिबार खेलिएको खेलमा स्पेनले घरेलु मैदानमा जर्जियालाई २–० ले पराजित गर्दै समूहको शीर्ष स्थान कायम राखेको छ।

पहिलो हाफमा जेरेमी पिनोले अग्रता दिलाए भने दोस्रो हाफमा मिकेल वार्जाबालले दूरी फराकिलो पारे। स्पेनले तीन खेलमा ९ अंक जोड्दै लगातार जितको धारामा रह्यो।

अर्को खेलमा तुर्कीले बल्गेरियालाई ६–१ को फराकिलो अन्तरले हरायो। रियल मड्रिडका मिडफिल्डर आर्दा गुलेरले एक गोल र दुई असिस्ट गर्दै उत्कृष्ट प्रदर्शन गरे।

युभेन्टसका युवा फरवार्ड केनान येल्दिजले दुई गोल गरे भने मेह्मेत चेलिक र इरफान कह्वेचीले पनि गोल गरे। बल्गेरियाका भिक्टर पोपभले आत्मघाती गोल गरे भने एक मात्र गोल राडोस्लाभ किरीलभले गरे।

स्पेनले जर्जियाविरुद्ध खेलको २४औं मिनेटमा पिनोले गोल गरे। २९औं मिनेटमा पेनाल्टी पाएको स्पेनका फेरान टेरेस गोल गर्न असफल भए। दोस्रो हाफमा वार्जाबालले विजयी गोल गरे।

सोफियाको भासिल लेभेस्की नेसनल स्टेडियममा तुर्कीले पहिलो मिनेटमै गुलेरको गोलबाट अग्रता लियो। दुई मिनेटपछि बल्गेरियाका किरीलभले बराबरी गोल गरे। पहिलो हाफ १–१ को बराबरीमा सकियो। दोस्रो हाफमा तुर्कीको आक्रमण सुरू भयो।

४ मिनेटमा पोपभको आत्मघाती गोलमा तुर्की अघि बढ्यो। गुलेरको पासमा येल्दिजले थप दुई गोल गरे। ६५औं मिनेटमा चेलिकले थप गोल गरे, जसमा गुलेरले सहायता गरे।

यस जितपछि पनि तुर्की समूहमा दोस्रो स्थानमै छ। तीन खेलमा ६ अंक जोडेको छ, जबकि स्पेन शीर्ष स्थानमा ९ अंकसहित छ।