मेसीले मियामीसँग सम्झौता नवीकरण गर्ने

काठमाडौं। अर्जेन्टिनालाई विश्वकप जिताएका सुपरस्टार लिओनल मेसीले इन्टर मियामीसँग सम्झौता नवीकरण गर्ने सम्भावना बढेको छ।

२०२३ जुलाई १५ मा पेरिस सेन्ट–जर्मेन (पीएसजी) छोडेर मेसी अमेरिकी क्लब इन्टर मियामी आएका थिए। साढे वर्षको सम्झौतामा क्लबमा आएका उनको प्रारम्भिक करारको अवधि छिट्टै सकिँदैछ। त्यसैले क्लबले करिअरको अन्तिमतिर रहेका उनलाई टिममा राख्न सबै प्रयास गर्ने जनाएको छ।

सम्झौता नवीकरणको विषयमा अन्तिम सहमति भएपछि मियामीले मेजर लिग सकर (एमएलएस) प्राधिकरणमा अनुमोदनका लागि प्रस्ताव पेस गर्नेछ। मेसीसँग विश्वभरका समर्थकको ध्यान तान्ने क्षमता मात्रै होइन, प्रायोजन र व्यावसायिक अवसरहरू पनि जोडिन्छन्। त्यसैले इन्टर मियामीले उनलाई कुनै हालतमा छोड्न नचाहेको स्पष्ट देखिन्छ।

इन्टर मियामीमा आएदेखि नै मेसीले क्लबमा ऐतिहासिक योगदान दिएका छन्। उनको नेतृत्वमा क्लबले पहिलोपटक लिग्स कप जितेको थियो। गत सिजनमा इन्टर मियामीले ‘स्पोर्टर्स शिल्ड’ पनि हात पारेको थियो।