काठमाडौं। नेपाली राष्ट्रिय टोलीका आरिफ शेखले एकदिवसीय अन्तर्राष्ट्रिय ब्याटिङ वरीयतामा १३ स्थान सुधार गरेका छन्।
अन्तर्राष्ट्रिय क्रिकेट परिषद् (आइसिसी)ले बुधबार सार्वजनिक गरेको नयाँ वरीयतामा उनी ९०औं स्थानमा पुगेका हुन्। यसअघि उनी शीर्ष १०० बाट बाहिर थिए।
यता, ओपनर आसिफ शेखको वरीयता भने खस्किएको छ। उनी ९० बाट ९४औं स्थानमा पुगेका छन्। अर्का ओपनर कुशल भुर्तेलले एक स्थान सुधार गर्दै ८७औं स्थानमा पुगेका छन्।
कप्तान रोहितकुमार पौडेल एक स्थान खस्किँदै ९९ मा पुगेका छन्।
