काठमाडौं। नेपालले स्कटल्यान्ड टी–२० त्रिकोणात्मक सिरिजमा घरेलु टोलीविरुद्ध ब्याटिङमा संघर्ष गर्न थालेको छ।
सिरिजको अन्तिम खेलमा नेपालले १९४ रनको विशाल लक्ष्य पछ्याइरहेको छ। तर, नेपालले खेल आधामा पुग्दा नै ६ विकेट गुमाइसकेको छ। नेपालको स्कोर बोर्डमा भने ८७ रन छ। ओपनर भुर्तेल ४ रनमै पभिलियन फर्किए। उनले ४ बल खेलेका उनले १ चौका मात्रै प्रहार गर्न सके।
उनी पहिलो ओभरको चौथो बलमै ब्रान्डन म्याकमुलनको बलमा फिनले म्याकार्थीबाट क्याच भएका हुन्।
तेस्रो नम्बरका भीम सार्कीले १० बलमा २ चौकासहित १२ रन बनाए। अर्का ओपनर ७ बलमा १ चौका र १ छक्कासहित १४ रन बनाउँदै रन आउट भए। लगत्तै आरिफ शेख ५ रनमा बोल्ड भए।
२० बलमा ४ चौका प्रहार गरेका कप्तान रोहितकुमार पौडेल पनि २७ रनमा क्याच भए। लोकेश बमले ५ रन थप गर्दिए।
