काठमाडौं। स्पेनिस च्याम्पियन बार्सिलोनाले जोन गार्सियालाई भित्र्याएको छ।
एस्पान्योलका २४ वर्षीय गोलकिपरलाई बार्सिलोनाले २५ मिलियन युरोको रिलीज क्लजमा भित्र्याएको हो। गार्सियासँग ६ वर्षको सम्झौता गरिएको छ। योसँगै उनी सन् २०३१ को जुन महिनासम्म बार्सिलोनामा रहने छन्।
गार्सियाले हालै सम्पन्न ला लिगा सिजनमा उत्कृष्ट प्रदर्शन गर्दै सबैको ध्यान तानेका थिए। उनले सबैभन्दा धेरै सेभ गरे। प्रतिखेल झण्डै ४ सेभ उनको रेकर्ड छ।
गत वर्ष उनले स्पेनलाई पेरिस ओलम्पिकमा स्वर्ण जिताउन उत्कृष्ट प्रदर्शन गरेका थिए। त्यसैले उनलाई इङ्लिस क्लब आर्सनलले भित्र्याउने चर्चा चलेको थियो। तर, उनी एस्पान्योलमै बसे र टोलीका उत्कृष्ट खेलाडी बने।
-1750262192.jpeg)
-1750260966.webp)
