काठमाडौं। नेपाली राष्ट्रिय टोलीका पूर्व खेलाडी ललितसिंह भण्डारीले सन्न्यास लिएका छन्। उनलाई आइतबार सामाजिक सञ्जालमार्फत सन्न्यास लिएका हुन्।
‘धेरै सोचविचार र आत्ममन्थनपछि मैले अन्तर्राष्ट्रिय क्रिकेटबाट सन्न्यास लिने निर्णय गरेको छु,’ उनले लेखेका छन्।
२८ वर्षीय बलर ललितले सन् २०१८ मा नेदरल्यान्ड्सविरुद्द भएको एकदिवसीय खेलमार्फत नेपाली राष्ट्रिय टोेलीमा डेब्यु गरेका थिए। सो खेल नेपालको पहिलो एकदिवसीय खेल थियोे।
उनले उक्त खेलमा दुई विकेट लिएका थिए। तर, २०७७ भदौ २७ गते भएको सडक दुर्घटनापश्चात् उनले टोलीमा पुनरागमन गर्न सकेनन्।
धनगढीबाट महेन्द्रनगरतर्फ जाँदै गरेको से १ ख १३२४ नम्बरको ट्रकले भण्डारी सवार म २ प ४७०५ नम्बरको मोटरसाइकललाई ठक्कर दिँदा दुर्घटना भएको थियोे।
दुर्घटनामा परि भण्डारीसहित मोटरसाइकलमा सवार करण ठगुन्ना घाइते भएका थिए। त्यसयता उनी घरेलु प्रतियोगिता खेलिरहेका थिए।
