काठमाडौं। स्कटल्यान्ड ‘ए’ सँगको दोस्रो अभ्यास खेल नतिजाविहीन भएको छ। नेपालले अघिल्लो खेलको तुलनामा सुधारिएको प्रदर्शन गरेको थियोे।
पहिला ब्याटिङ गरेको नेपालले निर्धारित ४५ ओभरमा ९ विकेट गुमाउँदै २५३ रन बनाएको हो। तर, २५४ रनको लक्ष्य पछ्याइरहेको स्कटल्यान्डले १३ ओभरमा ३ विकेट गुमाउँदै ६४ रन बनाएपछि वर्षा सुरू भयो। योसँगै खेल नतिजाविहीन भएको हो।
पहिलो खेलमा नेपालले स्कटल्यान्ड ‘ए’ले दिएको २२१ रनको लक्ष्य पछ्याएको नेपाल २९.४ ओभरमा सबै विकेट गुमाउँदै ११० रनमा समेटिएको थियो। उक्त खेलमा नेपालले १०२ रनको लज्जास्पद हार बेहोरेको थियो।
यसपल्ट भने कप्तान रोहितकुमार पौडेलसहित तीन खेलाडीले अर्धशतक प्रहार गर्दै स्कटल्यान्डलाई सम्मानजनक लक्ष्य दिएको थियोे।
गुल्शनकुमार झाले सर्वाधिक ६४ रन बनाए। ४७ बल खेलेका उनले ३ चौका र ५ छक्का प्रहार गरे।
रोहितले ७० बलमा ६१ रन बनाए। उनले भने ५ चौका र १ छक्का प्रहार गरे। भीम सार्कीले ५७ बलमा ७ चौका र १ छक्कासहित ५७ रन बनाए। कुशल भुर्तेल ३१ रनमा आउट हुँदा सन्दीप लामिछाने १७ रनमा अविजित रहे।
स्कटल्यान्डका जेम्स डकिनसनले २ विकेट लिए।
