रोहित बने आइपिएलमा ३०० छक्का प्रहार गर्ने पहिलो भारतीय खेलाडी

काठमाडौं। मुम्बई इन्डियन्सका पूर्वकप्तान रोहित शर्मा इन्डियन प्रिमियर लिग (आइपिएल)मा ३०० छक्का प्रहार गर्ने पहिलो भारतीय खेलाडी बनेका छन्।

उनी विराट कोहलीपछि लिगमा सात हजार रन बनाउने दोस्रो ब्याटर पनि हुन्। उनको नाममा अहिले ३०२ छक्का छन्। रोहितले शुक्रबार गुजरात जायन्ट्ससँग ८१ रनको इनिङ्स खेले।

सबैभन्दा धेरै छक्का प्रहार गर्ने खेलाडीमा क्रिस गेल शीर्ष स्थानमा छन्। उनले आफ्नो १४२ खेलमा कुल ३५७ छक्का प्रहार गरेका छन्। कोहली २६६ खेलमा २९१ छक्कासहित तेस्रो स्थानमा छन्। 

चौथो नम्बरमा महेन्द्रसिंह धोनी छन्। उनले २७८ खेलमा २६४ छक्का प्रहार गरेका छन्। 

एबी डिभिलियर्सले १८४ खेलमा २५१ छक्का प्रहार गरेर यस सूचीमा पाँचौं स्थान हासिल गरेका छन्।