काठमाडौं। सरकारले त्रिवि क्रिकेट मैदानको स्तरउन्नती गर्न ४० करोड बजेट विनियोजन गरेको छ।
अर्थमन्त्री विष्णुप्रसाद पौडेलले बजेट भाषणमार्फत उक्त जानकारी गराएका हुन्।
‘त्रिवि क्रिकेट मैदानको स्तरउन्नती गर्न ४० करोड छुट्टाइएको छ ,’ उनले भने।
सन् १९९८ मा बनेको उक्त मैदानले २७ वर्षपछि पारापिट र फ्लड लाइट पाउन लागेको छ। यसवर्ष नै उक्त मैदानमा १० हजार दर्शक क्षमताको पारापिट बनाइने लक्ष्य लिइएको छ। अर्को वर्ष भने पारापिटमा छानो हाल्ने लक्ष्य राखिएको छ।
