उद्घाटन खेलमा कर्णाली र मधेश प्रदेश भिड्ने

काठमाडौं। यु–१६ राष्ट्रिय क्रिकेट प्रतियोगिताको उद्घाटन खेलमा कर्णाली र मधेश प्रदेश भिड्ने भएका छन्।

नेपाल क्रिकेट संघ (क्यान) का अनुसार प्रतियोगिता जेठ १९ देखि सुर्खेतमा हुँदैछ। पहिलो दिन दुई खेल हुँदैछन्।

कर्णाली र मधेशबीचको खेल कालुञ्चोक क्रिकेट मैदानमा हुनेछ। अर्को खेलमा भने सुदूरपश्चिम र कोशी प्रदेश भिड्ने छन्। यो खेल भने वीरेन्द्रनगर क्रिकेट मैदानमा हुनेछ।

सिंगल राउन्ड रोबिनमा हुने प्रतियोगितामा सात प्रदेश सहभागी हुनेछन्। शीर्ष दुई टोलीले फाइनल खेल्नेछन्। फाइनल खेल असार ५ गते हुनेछ।