काठमाडौं। इन्डियन प्रिमियर लिग (आइपिएल) मा लिग चरणका दुई खेल मात्र बाँकी छन्। यसले अंक तालिकाको शीर्ष दुई स्थानमा कुन टोलीहरू रहनेछन् भन्ने कुरा निर्धारण गर्नेछ।
सोमबार मुम्बई इन्डियन्स र पञ्जाब किंग्सबीच खेल हुनेछ। यस खेलको विजेता टोली शीर्ष स्थानमा मात्र पुग्नेछैन, क्वालिफायर १ मा पनि स्थान बनाउने छ।
पञ्जाब १३ खेलबाट आठ जित र एक बराबरीसहित १७ अंकसहित दोस्रो स्थानमा छ। जयपुरमा हुने खेल जिते टोली शीर्ष स्थानमा पुग्नेछ। योसँगै क्वालिफायर १ खेल्ने पक्का हुनेछ। यदि हारेमा पञ्जाबले एलिमिनेटर खेल्नु पर्नेछ।
मुम्बईले १३ खेलमा आठ जित र पाँच हारसहित १६ अंक बनाएको छ। टोली हाल चौथो नम्बरमा छ। पञ्जाबलाई पराजित गरे शीर्ष स्थानमा पुग्नेछ। जितसँगै टोलीको शीर्ष दुईको स्थान र क्वालिफायर १ खेल्ने सम्भावना पनि पक्का हुनेछ। यदि मुम्बई हारे एलिमिनेटर खेल्नु पर्नेछ।
क्वालिफायर १ को विजेता फाइनलमा पुग्छ भने हार्ने टोलीलाई फाइनलमा पुग्ने अर्को मौका मिल्छ। तेस्रो र चौथो स्थानमा रहेका टोलीबीच एलिमिनेटरमा भिड्ने छन्।
यो खेल जित्ने टोलीले क्वालिफायर १ मा हार्ने टोलीसँग क्वालिफायर २ मा सामना गर्नेछ। क्वालिफायर २ जित्ने टोली फाइनलमा पुग्छ। एलिमिनेटर हार्ने टोली बाहिरिनेछ।
-1748355409.jpeg)
