काठमाडौं । राष्ट्रिय खेलकुद परिषद्को बोर्ड बैठक माओवादीका बोर्ड सदस्यले बहिष्कार गरेका छन् ।
राखेपको कार्यकारी सदस्य नियुक्तिमा छलफल नभएको भन्दै माओवादीका बोर्ड सदस्यले बैठक बहिष्कार गरेका हुन् ।
खेलकुद मन्त्री तेजुलाल चौधरीले राखेपको कार्यकारी समितिमा भानु चन्द र सुवर्ण श्रेष्ठको नाम प्रस्ताव गरेका थिए ।
बैठकमा बोर्ड सदस्यहरुले पर्याप्त छलफल गरेर मात्र कार्यकारी सदस्य नियुक्त गर्नुपर्ने धारणा राखेका थिए ।
सदस्य सम्राट कुसारीले खेलकुद मन्त्रीले प्रधानमन्त्रीको निर्देशन अनुसार गठबन्धनको रुपमा दुई जनाको नाम कार्यकारी सदस्यमा प्रस्ताव गरेपछि बैठक बहिष्कार गरिएको बताए ।
कुसारीसँगै सदस्यहरु अन्जन धमला, जनक बर्तौला लगायतले खेलकुद मन्त्रीको प्रस्तावमा असहमती जनाउँदै छलफल गरेर सर्वसम्मत रुपमा कार्यकारी सदस्य नियुक्ति गर्नुपर्ने धारणा राखेका थिए । खेलकुद मन्त्रीले प्रधानमन्त्रीको निर्देशन र गठनबन्धनबाट नाम प्रस्ताव गरेपछि माओवादीका बोर्ड सदस्यहरुले बैठक बहिष्कार गरेर निस्किएका थिए ।
दशौं राष्ट्रिय खेलकुद र राष्ट्रिय खेलकुद प्रतियोगिता सञ्चालन निर्देशिका सम्बन्धमा छलफल गर्न खेलकुद मन्त्री चौधरीले मंगलबार बोर्ड बैठक बोलाएका थिए ।
-1750070144.JPG)
-1750064258.webp)
