इलाम। सिन्धुलीबाट फरार भएका नाइजेरियन फुटबल खेलाडी वलुवासोगो ग्लोरी ओड पक्राउ परेका छन्। नेपाल प्रहरीको नियन्त्रणमा रहेका ग्लोरीलाई फरार भएको आठ घन्टापछि मंगलबार पक्राउ गरेको जिल्ला प्रहरी कार्यालय सिन्धुलीका प्रमुख प्रहरी उपरीक्षक गोविन्दराज काफ्लेले जानकारी दिए।
सिन्धुलीको गोलन्जोर गाउँपालिका ७ खुर्कोटस्थित मध्यपहाडी राजमार्ग र बिपी राजमार्गको संगम स्थलबाट शौचालय जाने भन्दै फरार भएका थिए। उनी दोस्रो पौवादुङमा गोल्डकपमा तिवारीभञ्ज्याङ एफसीबाट खेल्न आएका थिए।
सेमिफाइनल खेलमा ग्लोरी खेलेका थिए। र, उनी फाइनलअघि पक्राउ परेका हुन्। बुधबार सम्पन्न फाइनलमा झापाको राजगढ एफसीले तिवारीभञ्ज्याङलाई हराएर उपाधि जितेको छ।
टुरिस्ट भिसामा नेपाल आएर अवैध बसोबास गरेको भन्दै ग्लोरीलाई पक्राउ गर्न अध्यागमन कार्यालयबाट पत्र आएपछि जिल्ला प्रहरी कार्यालय भोजपुरले पक्राउ गरेको थियो। भोजपुरको पौवादुम्मा गाउँपालिका ३ बाट सोमबार साँझ पक्राउ गरी उनलाई प्रहरीले काठमाडौं ल्याउँदै गर्दा फरार भएका थिए।
‘को १ झ ६१६ नम्बरको गाडीमा राखेर अध्यागमन विभाग, मुद्दा शाखा कालिकास्थान काठमाडौं ल्याउँदै गर्दा फरार भएका हुन्। आठ घन्टापछि प्रहरीको सक्रियतामा कर्डन एन्ड सर्च (घेराबन्दी) गरी पक्राउ उनलाई पक्राउ गरिएको हो,’ उपरीक्षक काफ्लेले भने।
उनका अनुसार बिहान ६ बजे खुर्कोट नजिकैबाट फरार भएका ग्लोरी दिउँसो २ बजे गढी प्रहरी चौकीले चेकजाँच गर्दा बिपी राजमार्गस्थित गोलन्जोर गाउँपालिका ६ बारामा प्रदेश २–०३–००१ज ००१४ नम्बरको काठमाडौंबाट सर्लाही जाँदै गरेको इभी गाडीमा फेला परेका थिए।
जिल्ला प्रहरी कार्यालय इलाका तथा प्रहरी चौकी र स्थानीयको सक्रियतामा फेला पारेर अध्यागमन विभागलाई बुधबार बुझाइएको उनले बताए। उनका अनुसार ग्लोरी मंगलबार साँझ लगभग ६ बजेको समयमा खुर्कोट नजिकैबाट शौचालय गराउने क्रममा हाम फालेर फरार भएका थिए।
ग्लोरीले २०७९ सालमा संकटा फुटबल क्लबबाट सहिद स्मारक ए डिभिजन लिग खेलेका थिए। त्यसअघि जितपुर सिमरा, १९औं आह रारालगायतका प्रतियोगिता खेलेका थिए। न्युरोड टिम (एनआरटी) बाट समेत खेलका उनी पछिल्लो समय मोफसलमा हुने प्रतियोगिता खेलेका थिए। यस्तै, खेपमा विभिन्न क्लबाट खेल्दै आएका छन्।
-1747503617.webp)
