बागमती प्रदेशविरुद्ध मयनको शतक

काठमाडौं। मधेस प्रदेशका ओपनर मयन यादवले जय ट्रफी इलिट कपमा शतक प्रहार गरेका छन्। जनकपुरस्थित रामजानकी बहुउद्देश्यीय रंगशालामा बागमती प्रदेशविरुद्ध उनले शतक प्रहार गरेका हुन्।

जारी प्रतियोगितामा यो पहिलो शतक हो। १०८ बल खेलेका उनले १२ चौका र दुई छक्का प्रहार गरे। उनी ३४.६ ओभरमा बागमतीका कप्तान सन्दीप लामिछानेको बलमा ऋत गौतमबाट १०६ रनमा क्याच आउट भए। 

मधेसले बागमतीविरुद्ध १३४ रनको अग्रता लिएको छ।