सिटीको ‘सर्प्राइज’ जित

काठमाडौं। इङ्लिस प्रिमियर लिगअन्तर्गत आइतबार राति भएको खेलमा म्यानचेस्टर सिटीले लेस्टर सिटीमाथि २–० को जित निकाल्दै मुख्य प्रशिक्षक पेप ग्वार्डिओला ‘सर्प्राइज’ दिएको छ। उनको यो ५००औं खेल हो।

साभिन्होले पहिलो हाफमा सिटीलाई सुरुआती अग्रता दिलाए। ७४औं मिनेटमा एर्लिङ हालान्डले दोस्रो गोल गर्दै लयमा फर्किन संघर्षरत चार पटकको डिफेन्डिङ लिग च्याम्पियनको सबै प्रतियोगिताको पाँच खेलको जीतविहीन यात्रा समाप्त गरे।

यो सिटीको पुरानो प्रदर्शनबाट धेरै फरक। तर, सम्भवतः यसले ग्वार्डिओलाको नौ वर्षको नेतृत्वमा सबैभन्दा खराब नतिजाको सामना गरिरहेको टोलीको पुरानो लयमा फर्किने प्रयासमा रहेको देखिन्छ। सबै प्रतियोगिताका १४ खेलमा क्लबको यो दोस्रो जित हो। रेलिगेसन जोनमा रहेको टोलीविरुद्ध पनि सिटीले दोस्रो हाफको अधिकांश समय बलका लागि संघर्ष गरिरहेको थियो।

२१औं मिनेटमा साभिन्होले रिबाउन्डमा गोल गर्दै टोलीलाई अग्रता दिलाए। त्यसपछि जेमी भार्डीले लेस्टरलाई बराबरी गर्ने राम्रो मौका गुमाए। त्यसको केही समयपछि हालान्डले हेडरमार्फत गोल गर्दै तीन अंक दिलाए। जितसँगै पाँचौं स्थानमा उक्लिएको सिटीले १९ खेलबाट ३१ अंक पुर्‍याएको छ।