सन्दीपलाई सफलता, युएईको पाँचौ विकेट

दुबईस्थित आईसीसी क्रिकेट एकेडेमीको मैदानमा नेपालले दिएको ११४ रनको लक्ष्यसहित जवाफी ब्याटिङ गरेको युएईले पाँचौ विकेट गुमाएको हो । नेपालका सन्दीप लामिछानेले विकेट लिए । सन्दीपले १६ ओभर ३ बलमा फहाद नवाजलाई २ रनमा आउट गरे ।

 

युएईले १७ ओभरको खेल सकिदा ५ विकेट गुमाएर ७० रन जोडेको छ ।

 

यसअघि टस हारेर पहिले ब्याटिङ गरेको नेपालले ३३ ओभर ५ बलमा अलआउट हुँदै ११३ रन बनाएको थियो । 

खराब ब्याटिङ प्रदर्शन गरेको नेपालका लागि सोमपाल कामीले सर्वाधिक ३० रन जोडे । यस्तै आरिफ शेखले २५ रन जोड्दा कप्तान पारस खड्काले २० रन बनाए । सन्दीप लामिछाने १५ रनमा आउट भए ।

 

नेपाललाई सस्तैमा समेट्न युएईका मोहमद नाभिद र अमीर हायतले ३/३ विकेट लिए । यस्तै इमरान हेदरले २ विकेट लिए  । 

 

नेपालले युएईसंग तीन खेलको एकदिवसीय र तीन खेलको टी-ट्वान्टी सिरिज खेल्नेछ । नेपालले दोस्रो एकदिवसीय शनिबार खेल्नेछ ।

 

अन्तराष्ट्रिय क्रिकेट परिषद (आईसीसी) बाट एकदिवसीय मान्यता पाएपछि नेपाल दोस्रो एकदिवसीय सिरिज खेल्न युएई पुगेको हो ।