काठमाडौं। नेपाल प्रिमियर लिग (एनपिएल) को लिग चरणको अन्तिम खेलमा कर्णाली याक्सलाई पराजित गर्दै सुदूरपश्चिम रोयल्सले क्वालिफायर १ मा जनकपुर बोल्ट्ससँगको भेट पक्का गरेको छ। सोमबार भएको खेलमा सुदूरपश्चिम ६ विकेटले विजयी भएको हो।
योसँगै प्लेअफ पुग्ने चारवटै टोलीको टुंगो लागेको छ। सुदूरपश्चिम र जनकपुरले क्वालिफायर १ खेल्दा चितवन राइनोज र कर्णाली याक्सले इलिमिनेटर खेल्ने छन्। क्वालिफायर १ को विजेता सिधै फाइनल पुग्ने छ भने पराजित टोलीले इलिमिनेटरको विजेतासँग फाइनल पुग्न पुन: भिड्ने छ। सुदूरपश्चिमले सातमध्ये एक खेलमा हार बेहोर्दै १२ अंक जोड्यो। जनकपुरले १० तथा कर्णाली र चितवनले समान आठ अंक जोडे।
