शिखर धवनको शानदार ईनिङ्स

काठमाडौं । नेपाल प्रिमियर लिग एनपीएलमा कर्णाली याक्सका शिखर धवनले शानदार ईनिङ्स खेलेका छन् । 

प्रतियोगिताको आफ्नो दोस्रो खेलमा धवनले ७२ रनको शानदार ईनिङ्स खेलेका हुन् । 

उनले ५१ बलमा ४ चौका र ५ छक्काको मदतले सो रन बनाए । 

पहिलो खेलमा धवन १४ रनमा आउट भएका थिए । उनले पहिलो खेलमा तीन चौका प्रहार गर्दै १४ रन बनाएका थिए । 

कर्णालीले ठुलो रकम खर्च गरेर भारतीय विश्व चर्चित खेलाडी धवनलाई टिममा अनुबन्ध गरेको हो ।

धवनकै उत्कृष्ट ईनिङ्समा कर्णालीले काठमाडौं गुर्खाजलाई १ सय ५० रनको लक्ष्य प्रस्तुत गरेको छ । 

कर्णालीले ५ विकेटको क्षतिमा १ सय ४९ रन बनाएको हो । वाल्टनले २१ रन बनाउनु बाहेक अन्य ब्याटर चल्न सकेनन् । काठमाडौंमा जेर्हाड इरामसले २ विकेट लिए । 

दुवै टिम प्रतियोगितामा पहिलो जित निकाल्ने लक्ष्यमा छन् ।