काठमाडौं । न्युरोड टिम (एनआरटी)ले राष्ट्रिय टिमका फरवार्ड अन्जन विष्टलाई नकआउट प्रतियोगिता खेल्नका लागि भित्र्याएको छ । क्लबले उनलाई चैत मसान्तसम्मका लागि अनुबन्ध गरेको हो ।
‘एनआरटी राम्रो टिम हो,’ राजधानीको सहिद स्मारक ए डिभिजन लिग विजेता चर्च ब्वाइज युनाइटेड छाड्दै एनआरटी पुगेका अन्जनले भने, ‘नियमित प्रतियोगिता नभइरहेको यो कठिन अवस्थामा एनआरटीले नकआउट प्रतियोगिताको लागि टिम बनाउने योजनासहित राम्रो प्रस्ताव गर्यो र मैले स्वीकारे । अब एटआरटीको लागि उत्कृष्ट प्रदर्शन गर्ने प्रयास गर्नेछु ।’
उनी टिमसँगै मंगलबार इलाम जानेछन्, जहाँ एनआरटीबाट पहिलो प्रतियोगिताको रुपमा माई भ्याली गोल्डकप खेल्नेछन् ।
नेपाली पुरुष राष्ट्रिय टिमका लागि सर्बाधिक १३ गोल गरेका उनीसँग ए डिभिजन लिगका सर्बाधिक सफल क्लब मनाङ मस्र्याङदी, भारतको आई लिग क्लब मुम्बई क्रेन्केबाट खेलेको अनुभव पनि छ ।
-1747585822.webp)
-1747576201.jpeg)
.jpg)
