त्रिभुवन विश्वविद्यालय अध्ययनरत विद्यार्थीलाई टिकटमा ५० प्रतिशत छुट

काठमाडौं। नेपाल प्रिमियर लिग (एनपीएल) मा त्रिभुवन विश्वविद्यालय अध्ययनरत सम्पूर्ण विद्यार्थीले टिकट मूल्यमा छुट पाउने भएका छन्।

नेपाल क्रिकेट संघ (क्यान) ले शुक्रबार त्रिवि क्रिकेट मैदान, किर्तिपुरमा संचालन हुने खेलमा विश्वविद्यालयमा अध्ययनरत सम्पूर्ण विद्यार्थीलाई ५० प्रतिशत छुट दिने जानकारी दिएको हो।

‘प्रतियोगिता अवधिभरका लागि त्रिभुवन विश्वविद्यालय क्रिकेट मैदान, किर्तिपुरमा संचालन हुने खेलहरुका लागि यस संघ र त्रिभुवन विश्वविद्यालयविच भएको सम्झौता बमोजिम हाल कायम गरिएको साधारण तर्फको टिकट खरीदमा त्यस विश्वविद्यालयमा अध्ययनरत सम्पूर्ण विद्यार्थीहरुको लागि ५० प्रतिशत छुट कायम गरिएको छ,’ क्यानले भनेको छ।