केभिन ओ'ब्रायन बिराटनगर किंग्सका प्रशिक्षक

काठमाडौं । नेपाल प्रिमियर लिगको फ्रेन्चाईज क्लब बिराटनगर किंग्सले केविन जोसेफ ओ'ब्रायनलाई मुख्य प्रशिक्षकको रुपमा नियुक्त गरेको छ । 

बिराटनगरले आयरल्याण्डका पूर्व अन्तराष्ट्रिय खेलाडी ओ'ब्रायनलाई मुख्य प्रशिक्षकमा नियुक्त गरेको हो ।

केभिन एसोसियट राष्ट्रहरुमा उम्दा खेलाडी मानिन्थे । ओ'ब्रायन नेपालका लागि समेत परिचित अनुहार हुन् । उनी एभरेष्ट प्रिमियर लिगमा काठमाडौं किंग्सबाट खेलेका थिए ।

बिराटनगरले उनैलाई मुख्य प्रशिक्षकको रुपमा पहिलो सिजनका लागि नेपाल प्रिमियर लिगमा भित्र्याएको छ । 

बिराटनगरको मार्की खेलाडीको रुपमा सन्दीप लामिछाने रहेका छन् ।