सुदूरपश्चिम रोयल्सको सोसियल एक्टिभिस्ट एम्बेसडरमा केपी नियुक्त

काठमाडौं। सुदूरपश्चिम रोयल्सले केपी खनाललाई आफ्नो सोसियल एक्टिभिस्ट एम्बेसडर नियुक्त गरेको छ। सुदूरपश्चिम रोयल्सका मालिक स्वतन्त्र प्रताप शाह र सोसियल एक्टिभिस्ट एम्बेसडर खनालले मंगलबार सम्झौता पत्रमा हस्ताक्षर गरे।

क्लिन काष्ठमण्डप सरसफाइ अभियान, मैनादेवी फाउन्डेसनमार्फत हरियाली, स्वच्छता अभियानमा स्थानीय निकायसँग सहकार्य गर्न खनाल सक्रिय छन्।

सुदूरपश्चिम रोयल्सको मार्की खेलाडीमा दीपेन्द्र सिंह ऐरी र मुख्य प्रशिक्षकमा जगत टमाटा हुनुहुन्छ । त्यस्तै ओलम्पियन दीपक विष्ट टोलीको ब्रान्ड एम्बेसडर छन्।

नेपाल क्रिकेट संघ (क्यान) को आयोजनामा मंसिर १६ गते नेपाल प्रिमियर (एनपिएल) सुरु हुँदैछ। सुदूरपश्चिम रोयल्सले केही साता पछि आफ्नो तयारी सुरु गर्नेछ।