९ पदक थप, शीर्ष स्थानमा कायमै अमेरिका

काठमाडौं। अमेरिका पेरिस ओलम्पिक २०२४ को १३औं दिन पनि पदक तालिकामा शीर्ष स्थान कायमै रहेको छ।

अमेरिकाले ३० स्वर्ण, ३८ रजत र ३५ कांस्यसहित १०५ पदक जितेको छ। बिहीबार अमेरिकाले ३ स्वर्ण, ३ रजत र ३ कांस्यसहित ९ पदक जित्यो।

७३ पदकसहित चीन दोस्रो स्थानमा यथावत् छ। बिहीबार चीनले ३ स्वर्ण, २ रजत र २ कांस्यसहित ६ पदक थप्यो। योसँगै चीनले १३औं दिनको समाप्तिमा १९ स्वर्ण, २५ रजत र १९ कांस्य जितेको छ। 

यस्तै, अस्ट्रेलिया तेस्रो स्थानमा  छ। अस्ट्रेलियाले बिहीबार २ रजत र दुई कांस्य थप गरेको थियो। अस्ट्रेलियाले १८ स्वर्ण, १४ रजत र १३ कांस्यसहित ४५ पदक जितेको छ।

आयोजक फ्रान्सले १४ स्वर्ण, १९ रजत र २१ कांस्यसहित ५४ पदक जितेको छ। फ्रान्सले बुधबार तीन पदक थप्न सफल भयो।