एन्डरसनले सन्यास लिएपछि वुड टोलीमा

काठमाडौं। तीव्र गतिका बलर जेम्स एन्डरसनले सन्यास लिएपछि इङ्ल्यान्डले वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको छ।

एन्डरसनले हालै इङ्ल्यान्डका लागि आफ्नो १८८ औं टेस्ट म्याच खेलेका थिए र टोलीलाई एक इनिङ्स र ११४ रनले जित दिलाएका थिए। त्यसपछि उनले अन्तर्राष्ट्रिय क्रिकेटबाट सन्यास लिएका थिए। अब उनको स्थानमा तीव्र गतिका बलर मार्क वुडलाई टोलीमा समावेश गरिएको छ।

३४ वर्षका वुड मंगलबार नटिङ्घममा टोलीमा सामेल हुनेछन्। उनलाई मार्चमा भारत भ्रमणमा इङ्ल्यान्डको टेस्ट टोलीमा समावेश गरिएको थियो।

वुड इङ्ल्यान्डको तीव्र गतिको बलिङ आक्रमणमा सामेल हुनेछन्, जसमा गस एटकिन्सन, क्रिस वोक्स र डिलन पेनिंगटन छन्।

गत महिना इङ्ल्यान्डको टी–२० विश्वकपबाट फर्केपछि वुडले डरहमका लागि अहिलेसम्म प्रथम श्रेणीको खेल खेलेका छैनन्। वेस्ट इन्डिजविरुद्धको दोस्रो टेस्ट बिहीबारदेखि सुरु हुँदैछ।