डेब्यू टेस्टको दुवै इनिङ्समै एट्किन्सनले लिए १२ विकेट

काठमाडौं। इंग्ल्यान्डका गस एट्किन्सनले डेब्यू टेस्टमै दुवै इनिङ्समा १२ विकेट लिएका छन्। वेस्ट इन्डिजविरुद्धको टेस्टको पहिलो इनिङ्समा उनले ७ विकेट लिएका थिए।

दोस्रो इनिङ्समा उनले वेस्ट इन्डिजका ५ ब्याट्सम्यानलाई पेभिलियन पठाए। यसमा अल्जारी जोसेफ, शामर जोसेफ, काभेम होज, जेसन होल्डर र जेडेन सिल थिए।

एट्किन्सनले आफ्नो टेस्ट करियरको पहिलो विकेट पहिलो इनिङ्सको ११ औं ओभरमा कप्तान कार्लोस ब्राथवेटको लिए। किर्क म्याकेन्जी १५औं ओभरमा आउट भए।

३५औं ओभरमा उनले एक ओभरमा ३ विकेट लिए। उनले दोस्रो बलमा एलिक अथानाजे, तेस्रो बलमा होल्डर र पाँचौं बलमा सिल्भालाई आउट गरे। त्यसपछि ३८ औं ओभरमा २ विकेट लिए। 

उनले यो ओभरको पहिलो बलमा अल्जारी जोसेफ र तेस्रो बलमा शमार जोसेफलाई आउट गरे। १२ ओभरमा ४५ रन दिएर ७ विकेट लिए। यस क्रममा उनले ५ मेडन पनि खेले।