स्केट बोर्ड च्याम्पियनसिप असार १४ देखि

काठमाडौं । नेपाल स्केट तथा स्केट बोर्डिङ संघ र राष्ट्रिय खेलकुद परिषद्को संयुक्त आयोजनामा हुने सातौँ राष्ट्रिय स्केट बोर्ड च्याम्पियनसिप असार १४ र १५ मा हुने भएको छ।

प्रतियोगिता स्केटर्स नेपाल स्केट पार्क टोखा तीनमा सञ्चालन हुनेछ। प्रतियोगितामा ३०० पुरुष र १५० जना महिलाको सहभागिता रहेका छन्।

पुरुष तथा महिलातर्फ विजेताले २५ हजार, दोस्रोले १५ हजार तथा तेस्रो हुनेले नगद १० हजार पाउनेछन्। प्रतियोगिता स्केट बोर्ड खेल अन्तर्गत स्ट्रिट फ्री स्टाईलमा वेस्ट रन विधा खेलाइने आयोजकले जनाएको छ।

यस्तै, आयोजकका अनुसार प्रथम हुनेलाई इटालीमा आयोजना हुने वर्ड च्याम्पियनसिपमा सहभागी हुन पाउने भएका छन्।