काठमाडौं। पाकिस्तानले आइसिसी ट्वान्टी-२० विश्वकपमा अमेरिकालाई १६० रनको लक्ष्य दिएको छ।
ग्रान्ड प्रेरी स्टेडियम टस हारेर पहिला ब्याटिङ थालेको पाकिस्तानले निर्धारित २० ओभरमा ७ विकेट गुमाउँदै १५९ रन बनायो।
पाकिस्तानका कप्तान बाबर आजमले सर्वाधिक ४४ रन बनाए। ४३ बल खेलेका उनले तीन चौका र दुई छक्का प्रहार गरे।
शादाब खान ४०, इफ्तिखार अहमद १८ र फखर जमान ११ रनमा आउट हुँदा शाहिन शाह अफ्रिदी २२ र हारिस रउफ तीन रनमा अविजित रहे। अन्यले राम्रो प्रदर्शन गर्न सकेनन्।
अमेरिकाका नास्थुश केनजिगे सर्वाधिक तीन विकेट लिए। चार ओभर बलिङ गरेका उनले ४० रन खर्चिए। सौरभ नेत्रवलकरले दुई विकेट लिँदा अली खान र जसदीप सिंहले समान एक विकेट लिए।
