काठमाडौं। रोहित शर्माको अर्धशतकसँगै भारतले आइसिसी ट्वान्टी-२० विश्वकपमा विजयी सुरुआत गरेको छ।
बुधबार सम्पन्न खेलमा आयरल्यान्डमाथि भारतले ८ विकेटको जित हासिल गरेको हो। आयरल्यान्डले दिएको ९७ रनको लक्ष्य १२.२ ओभरमा भारतले दुई विकेट गुमाउँदै पूरा गर्यो।
भारतका कप्तान रोहितले सर्वाधिक ५२ रन बनाए। रिटायर्ड हर्ट भएका उनल ३७ बलमा चार चौका र तीन छक्का प्रहार गरे।
विराट कोहली एक र सूर्यकुमार यादव दुई रनमा आउट हुँदा ऋषभ पन्त ३६ रनमा अविजित रहे। आयरल्यान्डका मार्क ऐडेयर र बेन व्हाइटले समान एक विकेट रह्यो।
त्यसअघि नासाउ काउन्टी अन्तर्राष्ट्रिय क्रिकेट स्टेडियम, न्यूयोर्कमा टस हारेर पहिला ब्याटिङ थालेको आयरल्यन्डले १६ ओभरमा सबै विकेट गुमाउँदै ९६ रन बनाएको हो।
आयरल्यान्डका ग्यारेथ डेलानीले सर्वाधिक २६ रन बनाए। १४ बल खेलेका उनले दुई चौका र दुई छक्का प्रहार गरे। जोश लिटिल १४, कर्टिस कैम्फर १२ र लोर्कन टकर १० रनमा आउट हुँदा बेन व्हाइट दुई रनमा अविजित रहे।
भारतका हार्दिक पाड्याले सर्वाधिक तीन विकेट लिए। अर्शदीप सिंह र जसप्रीत बुहराहले समान दुई विकेट लिँदा मोहम्मद सिराज र अक्षर पटेलको नाममा समान एक विकेट रह्यो।
