उदयपुरलाई कोशी टी-वान रग्बीको उपाधि

काठमाडौं । उदयपुर जिल्लाले जुनियर राष्ट्रिय कोशी टी वान रग्बी प्रतियोगिताको उपाधि हात पारेको छ । 

फाइनल खेलमा महिला र पुरुष स्पर्धामा उदयपुरले इलामको दुवै टिमलाई हराउँदै उपाधि जितेको हो ।

प्रतियोगिताको उपाधि भिडन्तमा उदयपुरको महिला टिमले ईलामलाई १५–० ले हरायो भने पुरुष टिमले ईलामलाई १०–५ ले हरायो । 

कटरी नगरपालिकाका मेयर राजेश चन्द्र श्रेष्ठ, वडा अध्यक्ष बासु कटुवालले उपाधि विजेता र उपविजेता टिमका खेलाडीलाई ट्रफी, मेडल सहित नगद पुरस्कार प्रदान गरेका थिए । 

नेपाल रग्बी संघका उपाध्यक्ष किरण गिरीको विशेष आतिथ्यता रहेको प्रतियोगिता कोशी प्रदेश रग्बी संघका अध्यक्ष बिनोद कटुवालको संयोजकत्वमा सञ्चालन भएको थियो ।