काठमाडौं। आयरल्यान्डले आइसिसी ट्वान्टी-२० विश्वकपअन्तर्गत समूह ए को पहिलो खेलमा भारतलाई ९७ रनको लक्ष्य दिएको छ।
नासाउ काउन्टी अन्तर्राष्ट्रिय क्रिकेट स्टेडियम, न्यूयोर्कमा टस हारेर पहिला ब्याटिङ थालेको आयरल्यन्डले १६ ओभरमा सबै विकेट गुमाउँदै ९६ रन बनाएको हो।
आयरल्यान्डका ग्यारेथ डेलानीले सर्वाधिक २६ रन बनाए। १४ बल खेलेका उनले दुई चौका र दुई छक्का प्रहार गरे। जोश लिटिल १४, कर्टिस कैम्फर १२ र लोर्कन टकर १० रनमा आउट हुँदा बेन व्हाइट दुई रनमा अविजित रहे।
भारतका हार्दिक पाड्याले सर्वाधिक तीन विकेट लिए। अर्शदीप सिंह र जसप्रीत बुहराहले समान दुई विकेट लिँदा मोहम्मद सिराज र अक्षर पटेलको नाममा समान एक विकेट रह्यो।
