बाउको अर्धशतकसँगै वेस्ट इन्डिजलाई १३७ रनको लक्ष्य

गृहपृष्ठ
क्रिकेट

आइतबार, जेठ २०, २०८१ खेलपाटी संवाददाता

काठमाडौं। सेसे बाउको अर्धशतकसँगै पपुवा न्यूगिनीले आइसिसी ट्वान्टी-२० विश्वकपमा वेस्ट इन्डिजलाई १३७ रनको लक्ष्य दिएको छ।

गुयानाको प्रोभिडेन्समा टस हारेर पहिला ब्याटिङ थालेको पपुवा न्यूगिनीले निर्धारित २० ओभरमा ८ विकेट गुमाउँदै १३६ रन बनाएको हो।

पपुवा न्यूगिनीका बाउले सर्वाधिक ५० रन बनाए। ४३ बल खेलेका उनले ६ चौका र १ छक्का प्रहार गरे। कप्तान असद भाला २१, चार्ल्स अमिनी १२ र चार्ड सोपरले १० रन बनाउँदा काबुआ वागी मोरेया दुई रनमा अविजित रहे।

वेस्ट इन्डिजका अल्जारी जोसेफ र आन्द्रे रसेलले समान दुई विकेट लिए। अकील हुसेन, रोमारियो शेफर्ड र गुडाकेश मोटीले समान एक विकेट लिए।