काठमाडौं। दिनेश कार्तिकले क्रिकेटबाट सन्न्यास लिने निर्णय गरेका छन्। उनले पछिल्लो पटक २०२२ को टी-२० विश्वकपमा भारतीय टोलीबाट खेलेका थिए।
उनी २०२४ को विश्वकपमा पनि सहभागी हुने योजनामा थिए। टोलीमा अटाउन सकेनन्। उनले सन् २००२–०३ मा आफ्नो अन्तर्राष्ट्रिय करियर सुरु गरेका थिए। त्यसको २१ वर्षपछि आफ्नो ३९ औं जन्मदिनमा उनले अद्भुत यात्राको अन्त्य गर्ने निर्णय गरेका हुन्।
पछिल्ला केही वर्षमा कार्तिक घरेलु क्रिकेट र आईपीएल मात्रै खेल्दै आएका छन्। उनले सन् २००८ को सिजनबाट आईपीएल करियर सुरु गरेका थिए।
उनले आफ्नो अन्तिम खेल आईपीएल २०२४ मा राजस्थान रोयल्सविरुद्ध खेलेका थिए। उक्त खेलमा उनले ११ बलमा १३ रन बनाएका थिए। उनले भारतका लागि २६ टेस्ट, ९४ एकदिवसीय र ६० टी–२० खेल खेलेका छन्।
