काठमाडौं। भारतीय क्रिकेट टिमका ब्याट्सम्यान विराट कोहली टी–२० विश्वकप खेल्न शुक्रबार न्यूयोर्क पुगेका छन्। आईपीएल फाइनल भएको पाँच दिनपछि उनी भारतीय टोलीमा समावेश भएका थिए। तर, बंगलादेशविरुद्धको अभ्यास खेल उनले खेल्नेमा अहिलेसम्म शंका छ।
भारत विश्वकपको समूह ए मा रहेको छ। यो समूहमा आयरल्यान्ड, अमेरिका, पाकिस्तान र क्यानडा रहेका छन्। भारतले जुन ५ मा आयरल्यान्डविरुद्ध खेल्दै यो प्रतियोगिता सुरु गर्नेछ। त्यसपछि टोलीले जुन ९ मा चिरप्रतिद्वन्द्वी पाकिस्तानसँग खेल्नेछ।
कोहली अहिले फर्ममा छन् र आगामी विश्वकपमा भारतका लागि उपयोगी साबित हुन सक्छन्। भर्खरै सम्पन्न आईपीएलमा कोहलीले सर्वाधिक रन बनाउने ब्याट्सम्यान थिए। उनले रोयल च्यालेन्जर्स बैंगलोर (आरसीबी)का लागि १५ खेलमा १५४.६९ को स्ट्राइक रेटमा ७४१ रन बनाए।
यस अवधिमा उनको ब्याटबाट एक शतक र पाँच अर्धशतक बनेका थिए। कोहली यो सिजन फेरि ओरेन्ज क्याप जित्ने ब्याट्सम्यान बने। यसअघि सन् २०१६ मा उनले ९७३ रन बनाएर ओरेन्ज क्याप जितेका थिए।
