काठमाडौं। भारतका स्टार ब्याट्सम्यान विराट कोहलीले संयुक्त राज्य अमेरिकामा क्रिकेटको लोकप्रियतामा उल्लेखनीय वृद्धि भएको बताएका छन्।
मेजर लिग क्रिकेट (एमएलसी) ले अमेरिकी क्रिकेट विकासमा महत्त्वपूर्ण भूमिका खेलेको उनले बताए। मुम्बईस्थित अमेरिकी महावाणिज्य दूतावासले एक्समा पोस्ट गरेको भिडियोमा कोहलीले भनेका छन्,‘इमानदारीपूर्वक भन्ने हो भने मैले कहिल्यै सोचेको थिइनँ कि हामी अमेरिकामा कुनै पनि रूपमा क्रिकेट खेल्नेछौं। तर अहिले यो वास्तविकतामा परिवर्तन भएको छ। यसले तपाईंलाई संसारमा खेलको बढ्दो प्रभावको बारेमा बताउँछ।’
अन्तर्राष्ट्रिय क्रिकेट परिषद् (आइसिसी) ले अमेरिकाको लिगलाई लिस्ट ए को दर्जा दिएको छ। यसपछि अमेरिकामा क्रिकेटको तीव्र विकास हुने अपेक्षा गरिएको छ। सन् २०२३ मा एमएलसीको पहिलो सिजन अमेरिकीहरू क्रिकेट हेर्न मैदानसम्म आएका थिए। टेक्सास र नर्थ क्यारोलाइनामा खचाखच खचाखच भरिएका स्टेडियमहरू देखिएका थिए। अब एमएलसीको दोस्रो संस्करणको तयारी भइरहेको छ।
