सुरेश र प्रनिशा अन्तिम चारमा

नेपाल गोजुकाई कराते डो संघ (आईकेजिए नेपाल) को आयोजनमा छैटौं ईन्डो नेपाल गोजुकाई कराते च्याम्पियनसिप २०१८ शुक्रबार देखि सुरु भएको छ ।

कार्यक्रको नेपाल ओलम्पिक कमिटिका उपाध्यक्ष पुरेन्द्र विक्रम लाखेले एक कार्यक्रमविच पानसमा द्विप प्रज्वलनका साथ निर्णायक दिनेश परियारलाई खेल सामग्री हस्तान्तरण गर्दै उद्घाटन गरे ।

बालुवाटारस्थित चिल्ड्रेन मोडल स्कुलमा आयोजना भएको प्रतियोगिताको २० केजी तौल समूहमा लुम्बिनी एकेडेमीका सुरेश तामाङ्ग पुरुष तर्फ र प्रनिशा तामाङ्ग महिला तर्फ अन्तिम चारमा स्थान बनाउन सफल भएका छन् ।

पुरुष २० केजीको अन्तिम चारमा स्थान बनाउन सफल अन्य खेलाडीहरुमा चाँदबाग स्कुलका आरोग्य पौडेल, एनओबिएसका सुसन माझी, र मित्रपार्क डोजोका सुशिल श्रेष्ठ रहेका छन् । महिला तर्फ लुम्बिनि एकेडेमीकै दिनिशा तामाङ्ग र चाँदबाग स्कुलकी आयुशी अधिकारी रहेका छन् ।

२५ केजी तौलको पुरुष तर्फ नवज्ञान भूमि स्कुलका दिपेश थापा, ज्ञानज्यातीका रोहन कार्की, चिल्ड्रेन मोडलका पुजन लामा र नेशनल युनाईटेडका अनिश अमात्य पनि आआफ्ना प्रतिद्वन्दिलाई पराजित गर्दै उपाधी होडमा रहेका छन् । महिला तर्फ सोहि तौलमा ज्ञानज्यातीकी अकृश मल्ल, मित्रपार्क डोजोकी मनिषा निरौला, अनमोल ज्यातीकी आयुषा बुढाथोकी र नेशनल युनाईटेडकी सजु पौडेलले पनि अन्तिम चारमा स्थान पक्का गरे ।

दुई दिने प्रतियोगिताको ३० केजी तौलमा पुरुष तर्फ लुम्बिनी एकेडेमीका प्रनिश कार्की, ज्ञानज्यातीका मिलन बोगटी, नवज्ञान भूमिका दिवश जंग थापा र चाँदबागका सक्षम कँडेल तथा महिला तर्फ गोल्डेन पिककी रिद्धिमा थापा, नेशनल युनाईटेडका अन्सु थापा र स्वस्तिका महर्जन तथा चिल्ड्रेन मोडलकी कृश्पा उपाध्याय पनि सेमिफाईनलमा भिड्ने भएका छन् ।

यसै गरि पुरुष ३५ केजी तौलमा ज्ञानज्यातीका सुवोध थापा मगर, नेशनल यृुनाईटेडका रोहन महर्जन, अनमोल ज्योतीका अमृत कार्की र युनाईटेड डोजोका प्रतिक पौडेल पनि सेमिफाईन प्रवेश गरे । महिला तर्फ माउण्ट भ्यूकी अंकिता थेवे, नेशनल युनाईटेडकी आयुष्मा सिंह, नव ज्ञान भूमिकी अनुरती कार्की र चाँदवाग डोजोकी अंशु गुरुङ्गले पनि फाईनल प्रवेशका लागि प्रतिस्पर्धा गर्ने छन् ।

पुरुष ४० केजी तौलमा चिल्ड्रेन मोडलका बिशाल गुरुङ्ग, मित्रपार्क डोजोका नितेश ठाकुर, जगत मन्दिरका बशन्त थापा र मित्रमार्क डोजोका अभिषेक खत्री, ४५ केजीमा नेशनल युनाईटेडका सुशन केसी, चाँदबागका प्रवेश श्रेष्ठ, नव ज्ञान भूमिका आशिष श्रेष्ठ र प्रक्सिस स्कुलका नितेश राई, ५० केजीमा चिल्ड्रेन मोडलका सुभाष तामाङ्ग, मित्रपार्क डोजोका इश्वर कार्की, चाँदवागका अरिएव केसी र नेशनल युनाईटेडका आकाश श्रेष्ठले पनि सेमिफाईन यात्र तय गरेका छन् ।

यसै गरि पुरुषकै ५५ केजीमा चिल्ड्रेन मोडलका प्रविण दनुवार र जगत मन्दिरका ओम महर्जन तथा अनमोला ज्योतीका रविन यादव र मित्रपार्क डोजोका धिरज राईको भिडन्त हुने भएको छ । ६० केजी तौलमा भारतिय टिमका रोहित बोशले उपाधीका लागि ज्ञानज्यातीका सविन लामा र न्यू ज्ञानभूमिका सुमिन लामालाई पराजित गर्नु पने छ ।

प्रतियोगतामा स्कुल, डोजो, एकेडेमी तथा भारतका गरि करिब २०० सय खेलाडीहरुले प्रतिस्पर्धा गरिरहेका छन् ।