कामाडौं । हङकङ टी ट्वान्टी सिरिजको फाइनल खेलमा नेपालले हार ब्यहोरेको छ ।
बुधबार नेपालले उपाधि भिडन्तमा पीएनजीसँग ८६ रनको हार ब्यहोरेको हो ।
पीएनजीले प्रस्तुत गरेको १ सय ७२ रनको लक्ष्य पछ्याएको नेपाल १६ दशमलव ५३ बलमा ८५ रनमा अलआउट भयो ।
नेपालका कुनैपनि ब्याट्सम्यान फाइनल खेलमा चल्न सकेनन् ।
ओपनर बिनोद भण्डारी दोस्रो बलमा ४ रनमा बोल्ड हुदाँ कुशल मल्ल ५ रनमा पोविलियन फर्किएका थिए ।
रोहित पौडेल १२, गुलसन झा ६, विवेक यादव १, आरिफ शेख १५ र सन्दीप जोरा १७ रनमा आउट भए ।
पीएनजीका काबुआ मोरिया, सेमो कामिया, चाड सोपर, सेसे बाउले समान २ विकेट लिए । एली नाओले एक विकेट हात पारे ।
पहिले ब्याटिङ गरेको पीएनजीले ८ विकेटको क्षतिमा १ सय ७१ रन बनाएको थियो।
ओपनर टोनी उराले ६१ रनको इनिङ्स खेल्दै पीएनजीलाई राम्रो सुरुवात दिलाएका थिए । पुछारका एली नाओले अविजित ३० रनको योगदान गरे । १० बल खेलेका उनले ३ छक्का र १ चौकाको मदतले सो रन बनाए ।
हिरी हिरीले १४, हिला भारेले १८, चाड सोपरले १३ र किप्लिन डोरिगाले १४ रन जोडे । अन्य ब्याट्सम्यानले दोहोरो अंकको स्कोर छुन सकेनन् ।
नेपालका आकाश चन्द र कुशल भुर्तेलले समान ३ विकेट लिए । करन केसी र गुलसन झाको नाममा समान एक विकेट रह्यो ।
विश्वकपको तयारी स्वरुप टी ट्वान्टी सिरिज खेल्न नेपाल हङकङ गएको थियो ।
हङकङसँग पहिलो फ्रेन्डसिप टी ट्वान्टी कपमा पराजित बनेको नेपालले सिरिजको उपाधि भिडन्त समेत पीएनजीलाई सुम्पिएको छ ।
