झापामा एपीएफ क्लबलाई कारबाही

काठमाडौं । झापा गोल्डकपले विभागीय टिम सशस्त्र प्रहरी बल एपीएफलाई कारबाही गरेको छ ।

सोमबार बागमती युवा क्लबविरुद्धको खेलमा प्रतियोगिता नियमावलीको नियम उल्लंघन गरेको भन्दै आयोजकले एपीएफ क्लबलाई कारबाही गरेको हो । 

आयोजकले खेलाडीको जर्सी तथा जर्सीको रङ सम्बन्धी नियम उल्लंघन गरी खेल खेलेकको भन्दै कारबाही गरिएको जनाएको छ । 

भविष्यमा यस किसिमका गल्ती नदोहोर्याउने लिखित प्रतिबद्धता क्लबबाट माग गर्ने र एपीएफलाई ११ हजार रुपैयाँ आर्थिक जरिवाना गर्ने निर्णय आयोजकले गरेको छ । 

सोमबारको खेलमा बागमतीविरुद्ध टाइब्रेकरमा जित निकाल्दै एपीएफ सेमिफाइनल प्रवेश गरेको थियो ।