आईसीसी वरियतामा कोहली र राबडा शीर्ष स्थानमा

एजेन्सी । भारतीय क्रिकेट टोलीका कप्तान विराट कोहली टेष्ट क्रिकेटको ब्याट्सम्यानतर्फ शीर्ष स्थानमा यथावत रहन सफल भएका छन् ।

अन्तर्राष्ट्रिय क्रिकेट काउन्सिल (आईसीसी) ले सोमबार सार्वजनिक गरेको टेष्ट ब्याट्सम्यानको नयाँ वरियतामा कोहली शीर्ष स्थानमा यथावत रहेका हुन् । योसंगै कोहली सन् २०१८ को अन्तिम महिना शीर्ष स्थानमा रहन सफल भएका छन् । 

नयाँ वरियतामा कोहलीले ९३१ अंक प्राप्त गरेका छन् । नयाँ वरियताको दोस्रो स्थानमा न्युजिल्यान्डका केन विलियम्सनले ८९७ अंक पाएका छन् । तेस्रो स्थानमा रहेका पुर्व कप्तान स्टिभ स्मिथले ८८३ अंक पाएका छन् ।

यस्तै भारतका चेतेश्वर पुजारा ८४३ अंकसहित चुअठो स्थानमा रहदा इंग्ल्यान्डका जोय रुट ८०७ अंकसहित पाँचौ स्थानमा रहेका छन् ।

बलिङतर्फ दक्षिण अफ्रीकाका कागीसो राबडाले ८८० अंकसहित वरियताको शीर्ष स्थानमा रहेका छन् । यस्तै इंग्ल्यान्डका जेम्स एण्डरसन ८७४ अंकसहित दोस्रो स्थानमा रहदा  अष्ट्रेलियाका पाट कुमिन्स ८३६ अंकसहित तेस्रो स्थानमा रहेका छन् ।यस्तै क्षिण अफ्रिकाका भेर्नोन पिलान्धरे चौथो र पाकिस्तानका मोहमद अब्बास पाँचौ स्थानाम छन् । 

टेष्ट क्रिकेटको अलराउन्डरतर्फ बंगलादेशका शाकिब अल हसन शीर्ष स्थानमा रहदा भारतका रबिन्द्र जडेजा दोस्रो स्थानमा छन् । वेष्ट इण्डिजका जासोन होल्डर तेस्रो, दक्षिण अफ्रिकाका भेर्नोन पिलान्धरे चौथो , इंग्ल्यान्डका बेन स्टोक्स पाँचौ स्थानमा रहेका छन् ।