एसीसी यू-१९ प्रिमियर कप : नेपाल र जापान भिड्दै

काठमाडौं । मलेसियामा जारि एसीसी यू–१९ प्रिमियर कप क्रिकेटको पहिलो सेमिफाइनलमा नेपालले आज शनिबार जापानसँग प्रतिस्पर्धा गर्दैछ ।

नेपालले मलेसियाको वाइएसडी युकेएम ओभलमा जापानसँग खेल्नेछ । नेपाल र जापानबीचको खेल नेपाली समय अनुसार बिहान ७:१५ बजे सुरु हुनेछ ।

नेपाल समूह 'ए' को विजेता बन्दै अन्तिम चारमा पुगेको हो । जापानले समूह 'डी' को विजेता बन्दै नेपालसँगको भेट पक्का गरेको हो ।

नेपाल आज जापानलाई हराएर फाइनल पुग्ने योजनामा रहेको छ । जापान पनि नेपाललाई स्तब्ध बनाएर उपाधि नजिक पुग्न चाहन्छ ।

समूह चरणमा नेपाल अपराजित रहेको छ । नेपालले पहिलो खेलमा इरानलाई २ सय ७४ रन र दोस्रो खेलमा बहराईनलाई ७ विकेटले पराजित गरेको थियो । यस्तै नेपालले समूह चरणको अन्तिम खेलमा साउदी अरबलाई ३ सय २ रनले हराएको थियो ।

शनिबार हुने अर्को सेमिफाइनलमा युएई र सिंगापुरबीच प्रतिस्पर्धा हुनेछ ।