हङकङमाथि नेपालको दबाब

काठमाडौं । त्रिकोणात्मक क्रिकेट सिरिज हङकङविरुद्ध नेपालले शानदार सुरुआत गरेको छ । मुलपानी क्रिकेट मैदानमा हङकङलाई नेपालले सुरुआतमै दबाबमा राख्न सफल भएको छ । 

टस जितेर फिल्डिङ गर्ने कप्तान रोहित पौडेलको निर्णयलाई सही सावित गर्दै करन केसीले सुरुआतमै तीन विकेट लिए । अर्को विकेट सोमपाल कामी र कुशल मल्लले लिए । 

पहिलो बलमै निजाकत खानलाई बोल्ड गरेका करनले अंशी रथलाई आसिफ शेखको हातबाट क्याच आउट गराएका थिए । 

सोमपालले मार्टिन कोएत्जीलाई पोविलियन फर्काएपछि हङकङमाथि थप दबाब परेको थियो । 

करनले ब्यक्तिगत तेस्रो विकेटको रुपमा बाबर हायातलाई आउट गरे भने कुशल मल्लले अजिज खानलाई करन केसीको हातबाट क्याच आउट गरेका छन् । 

हङकङले १० ओभरको समाप्तिमा ५ विकेट गुमाएर ३९ रन बनाएको छ । 

पहिलो खेलमा बुधबार यूएईलाई ७ विकेटले पराजित गरेर नेपालले शानदार सुरुआत गरेको छ । कप्तान रोहित पौडेलको अर्धशतकीय इनिङ्समा नेपालले यूएईलाई हराएको हो । 

टी ट्वान्टी विश्वकप छनोटको तयारी स्वरुप नेपाल क्रिकेट संघ क्यानले सिरिजको आयोजना गरेको हो ।

सिरिजमा नेपाल सहित यूएई र हङकङ समावेश छन् । सिरिजको फाइनल खेल कात्तिक १० गते शुक्रबार त्रिवि मैदान कीर्तिपुरमा हुनेछ ।