साफ यू–१९ को तयारी पुरा 

काठमाडौं । काठमाडौंमा सञ्चालन हुने साफ यू–१९ फुटबल च्याम्पियनसिपको तयारी पुरा भएको छ । 

आयोजक अखिल नेपाल फुटबल संघ (एन्फा)ले मंगलबार पत्रकार सम्मेलन गर्दै प्रतियोगिताको तयारी पुरा भएको जनाएको छ । 

प्रतियोगिता पर्सी बिहीबारबाट सुरु भएर असोज १३ गतेसम्म सञ्चालन हुनेछ । प्रतियोगिताको सम्पुर्ण खेल त्रिपुरेश्वरस्थित दशरथ रंगशालामा हुनेछ ।

प्रतियोगितामा नेपाल सहित बंगलादेश, भुटान, माल्दिभ्स, भारत, पाकिस्तान समावेश छन् । 

एन्फा प्रवक्ता सुरेश साहले प्रतियोगिताको तयारी पुरा भएको बताए । उनले प्रतियोगिताका लागि साधारणतर्फ सय र भीआईपीतर्फ ३ सय पुरस्कार रकम राखिएको जानकारी दिए । 

प्रतियोगिता हेर्न टिकट खल्ती एपबाट किन्न सकिने एन्फाले जनाएको छ । प्रतियोगिताको मार्केटिङ अधिकार नेपाल स्पोर्ट्स सेन्टरले लिएको हो ।