युरो कप छनोट : स्पेनको फराकिलो जित

काठमाडौं । युरोकप २०२४ छनोटअन्तर्गत स्पेनले जर्जियामाथि फराकिलो जित दर्ता गरेको छ ।

तेस्रो खेलमा दोस्रो जित हात पार्नेक्रममा बिहीबार राती सम्पन्न खेलमा स्पेनले जर्जियालाई पराजित गरेको हो ।

समूह ए अन्तर्गत शुक्रबार राती भएको खेलमा स्पेन ७-१ गोल अन्तरले विजयी भएको हो ।

जर्जियाको घरेलु मैदानमा स्पेनका लागि अल्भारो मोराटाले ह्याट्रिक गरेका थिए । 

त्यस्तै स्पेनका लागि ड्यानी ओल्मो, निको विलियम्स र लामिने यामलले समान १/१ गोल गर्दा एक गोल स्पेनले उपहार पाएको थियो । 

उता, जर्जियाका लागि एकमात्र गोल चाकभेटाड्जले गरेका हुन् । 

स्पेन ३ खेलमा २ जितका साथ समूह 'ए' को दोस्रो स्थानमा रहेको छ ।

यस समूहमा स्कटल्यान्ड अपराजित रहेको छ । 

६० राष्ट्र सहभागी छनोटबाट २३ राष्ट्र युरो कप २०२४ का लागि छनोट हुनेछन् । 

जर्मनी आयोजक राष्ट्रको रुपमा युरोकपका लागि छनोट भईसकेको छ ।