मेलबर्न । अष्ट्रेलियाको मेलबर्नमा रहेको यति एफसीको अध्यक्षमा कर्ण राना निर्वाचित भएका छन् ।
मेलबर्नस्थित काठमाडौं ब्यान्क्वेटमा आयोजित निर्वाचनबाट राना अध्यक्षमा निर्विरोध निर्वाचित भएका हुन् ।
लामो समयबाट फुटबल र सामाजिक कार्यमा निरन्तर काम गर्दै आईरहेको यतिको उपाध्यक्षमा सज्जन शर्मा र अनमिका राई गुरुङ निर्वाचित हुँदा कोषाध्यक्षमा बिपस्ना लामा निर्वाचित भएका छन् ।
यस्तै सचिवमा रुक्शन राई, सह-सचिवमा भरत राना, सदस्यमा इन्द्र गुरुङ, विशन गुरुङ,सुरुची श्रेष्ठ,लक्ष्मी गुरुङ र मोनिका महर्जन निर्वाचित भएका छन् ।
सन् २००१ मा स्थापना भएको यति एफसीसँग सन् २०१५ मा अष्ट्रेलियाको घरेलु फुटबल संरचनाको पहिलो खुड्किलो मानिने ‘स्टेट फाइभ लिग’ खेलिसकेको इतिहास छ।
तर, यति एफसी हाल सामुदायिक फुटबल ‘सन्डे फुटबल’ खेलिरहेको छ । यतिले अष्ट्रेलियाको लिग संरचनामा छिर्न कोशिश गरिरहेका समेत जनाएको छ ।
पछिल्लो समय यति एफसीले नेपाली राष्ट्रिय फुटबल टोलीबाट खेलिसकेका अन्तराष्ट्रिय खेलाडी तथा नेपालको शहिद स्मारक 'ए' डिभिजन लिग खेलिसकेका खेलाडीहरुलाई अनुबन्ध गर्दै फुटबललाई अगाडी बढाईरहेको छ ।
-1751597995.webp)
