सन्दीप आबद्ध सर्रेको खेल बर्षाका कारण प्रभावित

काठमाडौं । नेपाली क्रिकेट टोलीका स्पिनर सन्दीप लामिछाने आबद्ध सर्रे जगुआर्सको दोस्रो खेल बर्षाका कारण रद्द भएको छ ।

सर्रेले ग्लोबल टी-ट्वान्टी क्यानडामा ब्रैम्प्टन वुल्भ्ससँगको खेलमा निरन्तरको बर्षाका कारण अंक बाडेको हो ।

जगुआर्सले टस जितेर पहिला बलिङ गर्ने निर्णय लिएको थियो ।

तर, ब्रैम्प्टन ७ दशमलब २ ओभरमा ३ विकेट गुमाएर ५० रन बनाएको अवस्थामा वर्षाको कारण खेल रोकिएको थियो ।

त्यसपछि बर्षा नरोकिए पछि दुवै टोलीले अंक बाडेका हुन् । 

सन्दीपले आफ्नो पहिलो ओभरको दोस्रो बल गरेसँगै बर्षा सुरु भएको थियो । सुरुआती दुई बलमा लामिछानेले तीन रन खर्चेका थिए । 

अंक बाडेसँगै सर्रेको दुई खेलबाट एक अंक भएको छ । ६ टोली सहभागी लिगमा सर्रे पाँचौ स्थानमा रहेको छ । 

ब्रैप्टन भने तेस्रो खेलमा ५ अंकका साथ शीर्ष स्थानमा कायमै रहेको छ ।