टाईगर्स पहिले बलिङ गर्दै, दीपेन्द्र टिम बाहिर
काठमाडौं । ग्लोबल टी-ट्वान्टी क्यानडा लिगमा नेपालका अलराउन्डर दीपेन्द्रसिंह ऐरी आबद्ध मोन्ट्रियल टाईगर्सले मिसिसागा प्यानथर्सविरुद्ध पहिले बलिङ गर्ने भएको छ ।
क्यानडाको ब्रैम्प्टनमा टस जितेर टाईगर्सले बलिङ रोजेको हो । टाईगर्समा रहेका नेपाली अलराउन्डर दीपेन्द्र भने प्लेईङ-११ मा रहेका छैनन् ।
पहिलो खेलमा २२ बलमा २८ रनको विजयी पारी खेलेका दीपेन्द्र प्लेईङ-११ मा रहेका छैनन् ।
दोस्रो खेल खेल्दै गरेको टाईगर्स लगातार दोस्रो जित निकाल्न चाहन्छ । पहिलो खेलमा नेपालका क्रिकेटर सन्दीप लामिछाने आबद्ध सरे जगुआर्सलाई पराजित गरेको थियो ।
प्यानथर्स तेस्रो खेलमा पहिलो जितको खोजीमा रहेको छ । लगातार दुई हार व्यहोरेको प्यानथर्स तेस्रो खेलमा हारको शृङ्खला तोड्न चाहन्छ ।
दीपेन्द्र आबद्ध टाईगर्समा कार्लोस ब्रेथवेट, क्रिस लिन, सकिब अल हसन लगायतका खेलाडी रहेका छन् ।
प्रतियोगितामा ६ टोलीको सहभागीता रहेको छ । प्रतियोगिताको फाइनल खेल अगस्ट ६ मा हुनेछ ।
