काठमाडौं । आईसीसी एकदिवसीय विश्वकप छनोट प्रतियोगिता अन्तर्गत भोली मंगलबार नेपाल र अमेरिकाबीच खेल हुदैछ ।
अमेरिकाविरुद्ध नेपालको उक्त खेल टाकासिंगा स्पोर्टस् क्लबमा नेपाली समय अनुसार दिउँसो पौने १ बाट सुरु हुदैछ ।
आईसीसी एकदिवसीय विश्वकप छनोटमा नेपाल र अमेरिकाबीचको खेल पहिलो पटक हुन लागेको हो । एकदिवसीय अन्तराष्ट्रिय (ओडिआई) मा भने नेपाल र अमेरिकाबीच धेरै पटक खेल भईसकेको छ ।
हालसम्म नेपाल र अमेरिकाबीचमा ६ ओडिआई खेलमा भेट भएको छ । ६ भेटमा नेपाल ३ पटक विजेता हुँदा अमेरिकाले २ पटक जितेको छ । दुईबीचको एक खेल भने टाई भएको छ ।
नेपाल र अमेरिकाबीचको पहिलो ओडिआई खेल विश्वकप लिग टू को नेपाल सिरिज अन्तर्गत भएको थियो । नेपाल र अमेरिकाबीचको पहिलो खेल २०२० फेब्रुअरी ८ मा भएको थियो । सो खेल नेपालले ३५ रनले जितेको थियो ।
टस हारेर पहिले ब्याटिङ गरेको नेपाल ४९ दशमलब २ ओभरमा १ सय ९० रनमा अलआउट भएको थियो । नेपालका लागि कुशल मल्ल र विनोद भन्डारीले अर्धशतक प्रहार गरेका थिए । भन्डारीले ७९ बलमा ५६ रन बनाउँदा मल्लले ५१ बलमा ५० रन बनाएका थिए । अमेरिका लागि क्यामरन स्टेभसनले ३ तथा सौरभ नेत्राभाल्कर र रुस्टी थोरनले समान २/२ विकेट लिएका थिए ।
१ सय ९१ रनको लक्ष्य पछ्याएको अमेरिका ४४ दशमलब १ ओभरमा १ सय ५५ रनमा अलआउट भएको थियो । अमेरिकाका लागि ७५ रनको अर्धशतकीय ईनिङ खेलेका थिए । नेपालका लागि करण केसीले ४ तथा सुसन भारीले ३ विकेट लिएका थिए ।
नेपाल र अमेरिकाबीचको दोस्रो भेट सोहि सिरिजको दोस्रो खेलमा भएको थियो । सो खेलमा अमेरिकाले टस हारेर पहिले ब्याटिङ गरेको थियो । नेपालले ओडिआई ईतिहासको कम योगफलमा अमेरिकालाई रोकेको थियो ।
अमेरिका १२ ओभरमा मात्र ३५ रन बनाउँदै अलआउट भएको थियो । अमेरिकाका एक खेलाडीले मात्र दोहारो अंकमा रन बनाएका थिए । नेपालका लागि सन्दीप लामिछानेले ६ ओभरमा १६ रन खर्चिएर ६ विकेट हात पारेका थिए । अर्का स्पिनर सुसन भारीले ३ ओभरमा ५ रन खर्चिएर बाँकी ४ विकेट लिएका थिए ।
३६ रनको लक्ष्य नेपालले ५ दशमलब २ ओभरमा २ विकेट गुमाएर पूरा गरेको थियो । नेपालका लागि पारस खड्काले १२ बलमा २० तथा दीपेन्द्रसिंह ऐरीले ११ बलमा १५ रन बनाएका थिए ।
नेपाल र अमेरिकाबीचको तेस्रो भेट विश्वकप लिग टूको ओमान सिरिजका क्रममा भएको थियो । सो खेल नेपालले ५ विकेटले जितेको थियो । अमेरिकाले टस जितेर पहिले ब्याटिङ गरेको थियो । मोनाकं पटेलको शतकको सहयोगमा अमेरिकाले ५० ओभरमा २ सय ३० रन बनाउँदा ९ विकेट गुमाएको थियो ।
पटेलले १ सय १४ बलमा १ सय रनको शतकीय ईनिङ खेलेका थिए । नेपालका लागि सुसन भारी र सन्दीप लामिछानेले समान २/२ विकेट लिएका थिए । २ सय ३१ रनको लक्ष्य नेपालले ४९ ओभरमा ५ विकेट गुमाएर पूरा गरेको थियो ।
नेपालका लागि ओपनर कुशल भुर्तेल र रोहित पौडेलले अर्धशतक बनाएका थिए । भुर्तेलले ९३ बलमा ८४ तथा हालका कप्तान पौडेलले ८७ बलमा ६२ रन बनाएका थिए ।
अमेरिका र नेपालबीचको चौथो भेट ओमान सिरिजका क्रममा नै भएको थियो । २०२१ सेप्टेम्बर १७ मा भएको खेलमा अमेरिका ६ विकेटले विजयी भएको थियो । टस हारेर पहिले ब्याटिङ गरेको नेपाल ४८ ओभरमा १ सय ७४ रनमा अलआउट भएको थियो ।
नेपालका लागि ज्ञानेन्द्र मल्लले १ सय ५ बलमा ५५ रनको अर्धशतकीय ईनिङ खेल्दा कुशल भुर्तेलले ४३ बलमा ३६ रन बनाएका थिए । अमेरिकाका सौरभ नेत्राभाल्करले ४ तथा कायल फिलिप्सले ३ विकेट लिएका थिए ।
१ सय ७५ रनको लक्ष्य अमेरिकाले २९ दशमलब ३ ओभरमा ४ विकेट गुमाएर पूरा गरेको थियो । अमेरिकाका लागि स्टेभन टेलरले ६३ बलमा ९२ तथा मोनाकं पटेलले ७० बलमा ३८ रन बनाएका थिए ।
नेपालका लागि सन्दीप लामिछाने र करण केसीले समान २/२ विकेट लिएका थिए ।
अमेरिकासँग नेपालको पाँचौ भेट २०२२ जुन ११ मा भएको थियो । विश्वकप लिग टूको अमेरिका सिरिजका क्रममा भएको थियो । सो खेल टाई भएको थियो । टस जितेर नेपालले पहिला ब्याटिङ गरेको थियो । नेपाल ४९ दशमलब २ ओभरमा २ सय ७४ रनमा अलआउट भएको थियो ।
नेपालका लागि रोहित पौडेल र आसिफ शेखले अर्धशतकीय ईनिङ खेलेका थिए । हालका कप्तान पौडेलले ७२ बलमा ६२ तथा ओपनर शेखले ७० बलमा ६१ रन बनाएका थिए । अमेरिकाका लागि रुस्टि थोरनले ४ तथा सौरभ नेत्राभाल्करले २ विकेट लिएका थिए ।
२ सय ७५ रनको लक्ष्य पछ्याएको अमेरिकाले ५० ओभरमा ६ विकेट गुमाएर २ सय ७४ रन मात्र बनाए पछि खेल टाई भएको थियो ।
अन्तिम ओभरमा अमेरिकालाई जितका लागि ६ रन आवश्यक रहेको थियो । नेपालको तर्फाबाट बलिङमा आएका आदिल आलमले मात्र ४ रन दिएपछि खेल टाई भएको थियो ।
अमेरिकाका लागि स्टेभन टेलरले १ सय २३ बलमा १ सय १४ को अर्धशतकीय ईनिङ खेलेका थिए । नेपालका लागि आदिल आलमले ३ तथा सन्दीप लामिछानेले १ विकेट लिएका थिए ।
अमेरिका र नेपालको पछिल्लो तथा छैटौं भेट सोही सिरिज अन्तर्गत भएको थियो । सो खेलमा अमेरिका ३९ रनले विजयी भएको थियो । टस हारेर पहिले ब्याटिङ गरेको अमेरिकाले ५० ओभरमा ७ विकेट गुमाएर २ सय ४५ रन बनाएको थियो ।
अमेरिकाका लागि सुशान्त मोदनी र गजानन्द सिंहले अर्धशतकीय ईनिङ खेलेका थिए । सिंहले ६० बलमा ५८ तथा मोदनीले ८३ बलमा ५४ रन बनाएका थिए । नेपालका लागि करण केसीले ३ तथा सन्दीप लामिछानेले २ विकेट लिएका थिए ।
२ सय ४६ रनको लक्ष्य पछ्याएको नेपाल४७ दशमलब ४ ओभरमा २ सय ६ रनमा अलआउट भएको थियो । नेपालका लागि आरिफ शेखले ७६ बलमा ६३ तथा सोमपाल कामीले ७२ बलमा ४७ रन बनाएका थिए । अमेरिकाका लागि अलि खान र सौरभ नेत्राभाल्करले समान ३/३ विकेट लिएका थिए ।
