ज्ञानोदय र रेडियन्ट क्वाटरफाइनलमा

काठमाडौं ।  ज्ञानोदय र रेडियन्ट तेश्रो संस्कृति कप अन्तरविद्यालय बास्केटबल प्रतियोगिताको ब्वाइजमा शुक्रबार क्वाटरफाइनलमा प्रवेश गरेका छन् ।

स्वयम्भूस्थित आयोजक संस्कृति इन्टरनेसनल स्कुलको कोर्टमा ज्ञानोदयले युरोलाई ३४–२० ले पराजित गर्यो । ज्ञानोदयको जितमा दिपेश शाहीले २९ अंक योगदान गरे । सन्तोष शर्माको १४ अंक सहयोगमा रेडियन्टले मातृभुमिलाई ३७–२२ ले हरायो ।

ब्वाइजमै संस्कृतिले एक्सेल्सियरलाई २७–१८, काठमाडौं भ्यालीले टीआईएलाई ५४–२०, निसर्गले रातो बंगलालाई १८–१७, हेम्सले काठमाडौं वल्र्डलाई ३२–२३ र होली भिजनले जेम्सलाई ४५–२३ ले पाखा लगाउदै क्वाटरफाइनलमा स्थान सुरक्षित गरे ।

संस्कृतिका दीप जोशी श्रेष्ठले ६, काठमाडौं भ्यालीका वनाह गुरुङले २२, निसर्गका अभनलाल श्रेष्ठले १०, हेम्सका हेमन्त राजवंशीले १८ र होली भिजनका सविन लामाले २३ स्कोर गरे ।